【產品試用】眉妝之選・L’Oréal Paris

不論係要化淡妝裸妝，還是濃妝，眉毛都係好重要的一環。雲迪夏天最鐘意化淡妝，眼線都唔洗畫但眉就一定要有。

L’Oréal Paris新推出了一系列的眉妝產品，可以輕易快捷完成眉妝，又可以減輕你化妝袋的負擔，點解？因為一支搞掂晒～



～～～～～～～～～～～～～～～～～～～～～～～～～～～～～～～～～～～～～～～～

全新 3 in 1 Brow Designer Pro 3合1塑形造型師 (建議零售價: $99)
將眉筆、眉粉、眉掃三合一，真係好方便，通常眉筆同眉粉都要分開攜帶，今次可以一支搞掂，正呀～


等我即刻試俾大家睇下啦～～
本身我鐘意化微彎的幼眉，因為雲迪面形圓且細，畫一字眉感覺唔好粗，但見大家都鐘意畫一字眉，為左大家，我畫一字眉啦～～不過我都建議大家分析自己輪廓比例，根據喜好畫最岩自己的眉型會好ｄ，起碼自己覺得靚就特別有自信啦～


Step 1::: 先用眉筆勾畫眉形，好易上色呀，輕輕力一畫就上到色～


Step 2::: 用眉粉填補眉毛之間，都係好易上色架，所以要輕力少少，同埋唔洗畫太多下，如果唔係就太深色架喇～呢隻眉粉幾自然，唔錯啊～


Step 3::: 眉掃調整: 最後使用眉掃梳鬆及調整，令效果更自然協調

After

Before

畫眉前同後的對比，無畫眉會睇落攰ｄ，爭咁D野咁，畫左眉就感覺塊面睇落都完整D，精神好多，帶出面部輪廓～

其實而家好多makeup artist都用緊呢支3合一眉筆，仲一致好評，價錢本人覺得直頭係平呀，抵買好用之選，仲有兩色選擇: 01深啡 & 02淺啡，岩晒唔同髮色的sis們啦～～

～～～～～～～～～～～～～～～～～～～～～～～～～～～～～～～～～～～～～

眉粉眉蠟塑眉組合  (建議零售價: $105)
BROW ARTIST GENIUS KIT

呢盒眉粉的特別之處，就係佢一盒同時擁有眉蠟與眉粉，配以雙頭眉刷及眉掃，輕便貼心，可以簡單完成不同款的眉妝。

Step 1::: 建議先以眉蠟打造眉形，唔會好上色，主要係將眉毛定形～

Step 2::: 再用眉粉填補眉毛稀疏的位置，再以眉刷掃鬆，完成眉妝，睇落柔和又自然~

對比圖~~~~

         

我的右邊眉(左圖)用3合一塑形造型師，左邊眉(右圖)用眉粉眉蠟塑眉組合，明顯地，左圖用左3合1眉筆係會突顯眉形，而右圖用眉粉眉蠟組合就柔和ｄ自然ｄ～～

～～～～～～～～～～～～～～～～～～～～～～～～～～～～～～～～～～～～～

持久塑形眉筆 (建議零售價: $79)
SUPER LINER BROW STYLIST BROW LINER

雲迪知道有d sis鐘意淨係用眉筆，原因係咩？懶掛 :p haha...其實我都係，眉筆可以好細緻咁勾畫眉形，呢支持久塑形眉筆就岩晒啦～～

筆狀設計，易畫易上色，用手摔佢都唔易乜色，真係持久不脫色架～

對比圖～～～～

我的右邊眉(左圖)都係用3合一塑形造型師，左邊眉(右圖)用持久塑形眉筆 ，兩款都畫到好清晰精準的眉形，個人比較鐘意用3合1果支，因為有眉粉畫過，感覺鬆ｄ自然ｄ，右圖只用眉筆，感覺較實～～

試完晒３款L’Oréal Paris新推出的眉妝產品，各有特色同好用之處，大家可以因應自己的喜好揀岩自己的眉產品，呢３款總有一款岩你既，我就揀好啦，你有心水未呢？快ｄ去門市試下啦～～～

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Contact 雲迪．wandy

Email | wandykwong@gmail.com

Facebook | www.facebook.com/wandysharing

Instagram | wandykwong