雲迪 wandy | Love to Share

2016年11月10日星期四

【產品試用】全新L’Oréal Paris 陶瓷光感氣墊粉底

全新L’Oréal Paris LUCENT MAGIQUE陶瓷光感氣墊粉底

Cushion 粉底由好hit到而家, 變成好多sis們的必需品, 雲迪都唔例外, 要日日用架~~但係, 唔知你又搵到一個岩晒心水的cushion粉底未呢?? 如果未就岩喇, 今日雲迪我有好介紹呀~~~~~

L’Oréal Paris推出左幾款新產品呀, 等我逐一介紹下啦~~

打頭陣有雲迪我重點推介俾大家嘅~登登登登~~~

LUCENT MAGIQUE CUSHION PORCELAIN陶瓷光感氣墊粉底(建議零售價: $199)

呢個Paris Cushion 法式輕啞裸妝cushion粉底, 一打開佢真係 “嘩”左出黎, 好多sis同我一樣鐘意好浪漫的巴黎鐵塔, 吸睛度爆登呀。

今次呢個cushion - 首創雙網設計，以過千個微小網點組成，雙網意思就好似有兩層篩，令粉粒質地極之纖細，有效提取細密及準確份量的粉底液，當中注入左珍貴精華油，更加水潤透薄。

有兩色選擇: N2白哲色 & N4健康色, 而雲迪今日就用N2色俾大家睇下~~~

輕輕按一下, 份量不多, 直接印上面, 感覺好水潤, 而且遮瑕度好高, 輕輕印喺雀斑位兩三下就已經遮到近8成的雀斑, 超興奮ar~~~~同埋好易推開, 按左幾下就可以輕易上晒成塊面, 感覺都好薄好輕, 真係做到貼服無瑕嘅效果呀~~

市面上好多品牌的cushion粉底上完面都會好光, 好似好油咁, 但呢個就唔同, 法式輕啞霧光, 真係比其他品牌輕度啞致, 又有少少光感, 岩岩好ar~~

化好個妝啦~~真係好好, 感覺輕薄得黎又高遮瑕度, 啞致得黎又有少少光感, 底妝貼服又有立體感, 超贊呀, 正~~~~~~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

除左呢個paris cushion之外, L’Oréal仲推出左另一款cushion架~~

LUCENT MAGIQUE CUSHION LUMIERE光透水潤氣墊粉底 (建議零售價: $199)

有兩色選擇: N3亮肌色 (適合自然肌) 和R2粉嫰色 (適合白晳肌), 而雲迪今日就用R2粉嫰色~~~

輕輕按一下已經有好多, 印上面感覺更加水潤, 推完全面, 明顯提亮左, 好滋潤, 但遮瑕度唔算好高。

效果有點似cc cream咁, 改善同提亮左膚色, 最岩化淡妝或自然的裸妝用啦~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

嘩嘩嘩~~除左粉底, L’Oréal仲推出左全新的cushion胭脂呀~~~

LUCENT MAGIQUE CUSHION BLUSH 光感輕盈胭脂(建議零售價: $109)

左C1- Sunkissed Coral

中P2- Pink Tautasia

右P3- Rose Affair

3隻色都好靚呀, 快d試下先~~~

首創水潤光感氣墊胭脂, 好易上色呀, 所以唔洗好大力按, 印上面都要輕輕力, 好易推開。平時用開粉質的胭脂, 睇落暗啞d, 呢款cushion胭脂就有少少光感, 打造更立體嘅輪廓~~~

淡淡的粉橙色、搶眼的粉紅色、淡淡的粉紅色…3隻都咁靚, 點揀呀??一於3隻色都買, 唔同場合配唔同的唇色和服飾, 點可以用死一隻色呀?!

Sis們~~~心動不如行動啦, 去L’Oréal Paris 門市或專櫃試下啦~~~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Contact 雲迪．wandy

Email | wandykwong@gmail.com

Facebook | www.facebook.com/wandysharing

Instagram | wandykwong

2016年8月14日星期日

【產品試用】眉妝之選・L’Oréal Paris

不論係要化淡妝裸妝，還是濃妝，眉毛都係好重要的一環。雲迪夏天最鐘意化淡妝，眼線都唔洗畫但眉就一定要有。

L’Oréal Paris新推出了一系列的眉妝產品，可以輕易快捷完成眉妝，又可以減輕你化妝袋的負擔，點解？因為一支搞掂晒～

～～～～～～～～～～～～～～～～～～～～～～～～～～～～～～～～～～～～～～～～

全新 3 in 1 Brow Designer Pro 3合1塑形造型師 (建議零售價: $99)
將眉筆、眉粉、眉掃三合一，真係好方便，通常眉筆同眉粉都要分開攜帶，今次可以一支搞掂，正呀～

等我即刻試俾大家睇下啦～～
本身我鐘意化微彎的幼眉，因為雲迪面形圓且細，畫一字眉感覺唔好粗，但見大家都鐘意畫一字眉，為左大家，我畫一字眉啦～～不過我都建議大家分析自己輪廓比例，根據喜好畫最岩自己的眉型會好ｄ，起碼自己覺得靚就特別有自信啦～

Step 1::: 先用眉筆勾畫眉形，好易上色呀，輕輕力一畫就上到色～

Step 2::: 用眉粉填補眉毛之間，都係好易上色架，所以要輕力少少，同埋唔洗畫太多下，如果唔係就太深色架喇～呢隻眉粉幾自然，唔錯啊～

Step 3::: 眉掃調整: 最後使用眉掃梳鬆及調整，令效果更自然協調

After

Before

畫眉前同後的對比，無畫眉會睇落攰ｄ，爭咁D野咁，畫左眉就感覺塊面睇落都完整D，精神好多，帶出面部輪廓～

其實而家好多makeup artist都用緊呢支3合一眉筆，仲一致好評，價錢本人覺得直頭係平呀，抵買好用之選，仲有兩色選擇: 01深啡 & 02淺啡，岩晒唔同髮色的sis們啦～～

～～～～～～～～～～～～～～～～～～～～～～～～～～～～～～～～～～～～～

眉粉眉蠟塑眉組合 (建議零售價: $105)
BROW ARTIST GENIUS KIT

呢盒眉粉的特別之處，就係佢一盒同時擁有眉蠟與眉粉，配以雙頭眉刷及眉掃，輕便貼心，可以簡單完成不同款的眉妝。

Step 1::: 建議先以眉蠟打造眉形，唔會好上色，主要係將眉毛定形～

Step 2::: 再用眉粉填補眉毛稀疏的位置，再以眉刷掃鬆，完成眉妝，睇落柔和又自然~

對比圖~~~~

我的右邊眉(左圖)用3合一塑形造型師，左邊眉(右圖)用眉粉眉蠟塑眉組合，明顯地，左圖用左3合1眉筆係會突顯眉形，而右圖用眉粉眉蠟組合就柔和ｄ自然ｄ～～

～～～～～～～～～～～～～～～～～～～～～～～～～～～～～～～～～～～～～

持久塑形眉筆 (建議零售價: $79)
SUPER LINER BROW STYLIST BROW LINER

雲迪知道有d sis鐘意淨係用眉筆，原因係咩？懶掛 :p haha...其實我都係，眉筆可以好細緻咁勾畫眉形，呢支持久塑形眉筆就岩晒啦～～

筆狀設計，易畫易上色，用手摔佢都唔易乜色，真係持久不脫色架～

對比圖～～～～

我的右邊眉(左圖)都係用3合一塑形造型師，左邊眉(右圖)用持久塑形眉筆，兩款都畫到好清晰精準的眉形，個人比較鐘意用3合1果支，因為有眉粉畫過，感覺鬆ｄ自然ｄ，右圖只用眉筆，感覺較實～～

試完晒３款L’Oréal Paris新推出的眉妝產品，各有特色同好用之處，大家可以因應自己的喜好揀岩自己的眉產品，呢３款總有一款岩你既，我就揀好啦，你有心水未呢？快ｄ去門市試下啦～～～

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Contact 雲迪．wandy

Email | wandykwong@gmail.com

Facebook | www.facebook.com/wandysharing

Instagram | wandykwong

2016年6月13日星期一

Estée Lauder & Shiseido Spring Beauty春日新妝學堂 @新都會廣場

春天黎到喇~緊貼潮流嘅你都知道今年春妝興粉紅同粉橙色為主的彩妝~~
但其實要化一個淡淡的春妝, 有好多技巧同細節架~~

雲迪日前獲Be邀請出席由Estée Lauder同Shiseido喺Metro Plaza新都會廣場舉辦的Spring Beauty春日新妝學堂 ~~好好玩ar~~好耐無專心上堂學野喇, 再次做學生的感覺好好ar, 第一堂由Estée Lauder的化妝師Leo教一眾bloggers化簡單清淡地的春妝, 之後有15mins小息, 大會仲提供小食同果汁ar, 再上第二堂由Shiseido化妝師教大家用一系列MAQuillAGE的彩妝產品化春妝, 所有bloggers都要即場卸妝, 再一齊化妝師的步驟重新化妝, 真係又刺激又好玩呢, 第一次喺大庭廣眾之下卸妝+化妝呀, 最後都完成呢項壯舉, 勁呀~~~

等雲迪同大家重溫一下我學到嘅新知識同技巧啦~~

首先, 妝前的skincare一定要做足, 因為會直接影響上妝程度同埋妝的持久度, 化妝師 Leo介紹大家用Estée Lauder的皇牌精華Estée Lauder Advanced Night Repair Synchronized Recovery Complex II, 雲迪自己本身都係用呢支精華架, 保濕程度極高, 令妝容更貼服~

Advanced Night Repair Synchronized Recovery Complex II 升級再生基因修護露
HK$620 /30ML, HK$880 / 50ml

底妝部分, Leo教左大家一個特別的小tips, 就係先上少少碎粉, 薄薄地, 然後先上粉底液, 可以令底妝持久d同均勻d~

粉底液Leo用了Double Wear Stay-in-Place Makeup (SPF 10 / PA++)持久防曬粉底, 15小時持久妝容, 岩晒春夏天咁熱都唔怕容妝啦~~ Leo仲特別教左我地一個塗抹粉底小貼士, 用掃上粉底的手法好似打交差咁, 左右左右掃, 會更均勻, 再用三角棉細細力一下一下印上面, 就會貼服d~~

Double Wear Stay-in-Place Makeup SPF 10/PA++ 持久防曬粉底 SPF 10/PA++ HK$340/30ml

小貼士:::
- 遮瑕要用掃上, 眼袋位上4點, 推開後再加深眼角位
- 碎粉先上側面, 可再多d厚d, 再上t-tone & 鼻翼位
- 眉筆和眉粉兩者都要用, 淺色上眉頭, 深色上眉尾, 用眉筆修補尾位
- 眼影先上眼蓋中間位置再推開, 不要塗高過眉骨
- 眼線要用liquid + gel
- 上胭脂手法好似打交差咁
- 唇要先上bb cushion, 再印上潤唇膏才可上色

Leo教大家揀唇色, 皮膚屬於cool tone, 即白裡透紅的, 最好用粉紅色唇膏~ 而皮膚屬於tan tone, 即蜜糖色健康膚色的, 用橙色系比較好~~ Leo用左Estée Lauder Pure Color Envy Sculpting Lipstick, 持久又顯色, 仲有16種顏色俾你揀, 點都揀到岩心水嘅~~

PURE COLOR ENVY SCULPTING LIPSTICK HK$270

最後, 雲迪仲收到一份禮物, 係Estée Lauder Nutritious Rosy Prism™亮肌抗氧粉嫩CC霜SPF20/PA+ 30ml, 即刻上少少喺手背試啦, 好水潤, 輕身而且提亮左, 唔錯啊~~