讓你甜睡的香氣 innisfree

城市人工作忙碌，未必晚晚都訓得著或訓得好架，但sis 們，睡眠質素差，好影響我地d皮膚架，又會唔上妝，點好啊？

雲迪個人都成日失眠，但呢個冬天，全靠佢，令我有覺好訓喇～

innisfree scented candle 香薰蠟燭

雲迪個人好鐘意薰衣草味，又知道薰衣草有舒緩作用，令人容易放鬆心情，提升睡眠質素。呢個香薰蠟燭味係Sleep Well (Herbal)，用多種花草的味道製成，有好清香的薰衣草味架。仲有啊，天氣凍呀，點香薰蠟燭除左香之外，仲可以令房間暖晒，去沖涼前點著佢，大約1-2個鐘就夠晒暖架喇，之後吹熄佢，訓得～

呢個系列有好多種香味架，可以去門市聞下，但唔係間間innisfree 門市都有賣架，屯門市廣場、旺角E2出口對面，呢兩間都有香薰部的～

除了香薰蠟燭，雲迪仲有用佢嘅香薰架，當然都係薰衣草味啦，朋友之前仲送左一支特別版俾我，係佢diy 貼滿心心的香薰 :)

香味，無女仔唔鐘意，仲可以有覺好訓就最perfect啦~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~

Contact 雲迪．wandy

Email | wandykwong@gmail.com

Facebook | www.facebook.com/wandysharing

Instagram | wandykwong

情人最愛你素顏．教你裸妝7部曲

每朝化妝返工都要預好多時間, 有時未訓醒又化極都唔靚, 有時又好趕出門...
而我就好懶, 鐘意素顏, 我情人都偏愛我素顏, 但...素顏睇落唔精神呢, 所以簡簡單單化個裸妝就最好不過啦~~

~~~我的裸妝7部曲~~~

第1步 - 打好個底

我會用透薄的base做底, 如果想遮瑕度高d, 可以用foundation~

呢支Sofina Primavista Ange Moisture Keep Base UV 修護保濕精華底霜好好用, 好水潤同保濕, 岩晒而家咁乾的天氣~

第2步 - 控油蜜粉

  

之後我會用有色都碎粉來控油, 如果之前個底用左有色的foundation, 就可以用透明色 (即係白色)的碎粉, 可以令面上少d油光, 睇落又滑d添~ 

推介呢盒 Sofina的蜜粉, 好滑又乾爽, 台灣買平d架~

第3步 - 最緊要條眉

裸妝有3樣野好緊要, 第1樣就係眉, 眼線可以無, 但不能無眉呀!!!

推介呢支innisfree的眉筆, 我入了灰色和深啡色, 兩隻都好自然, 最好就係扁頭, 易畫眉尾~

第4步 - 夾眼睫毛

唔畫眼線, 畫睫毛都一樣好精神, 但畫之前要夾一夾呀, 想 last得耐d, 可以用風筒吹熱d個夾先, 但小心熱親眼皮呀~

第5步 - 魔法睫毛

Mascara真係好神奇, 變長d又得, 變濃d都得, 得左~

推仲呢支YSL的mascara, 好好用, 自然, 又唔會乜黑色一粒粒墨屎, good~~

**我呢試係tester咋, 用完一定會買支大嘅~

第6步 - 精神之柱

第2樣裸妝必有的就係胭脂啦, 令成日妝容睇落精神晒架~

推介Laduree胭脂, 三大皇牌胭脂之一, 好滑又long lasting, 仲好靚呢~~大愛~~

第7步 - 潮流nude色唇膏

    

而家咁興nude色唇膏, 點可以無架~
呢隻色的YSL唇膏係限量版黎架, 想買多支都搵唔倒喇, 隻色好自然, 又好潤, YSL唇膏無得輸~~

  

裸妝真係話都無咁易呀, 男朋友們10個有9個半都鐘意女朋友唔化妝/唔好化太濃, 唔鐘意錫面面時搞到成嘴都係粉喎, 唔鐘意"I"住膊頭訓之後印到恤衫變左肉色喎...其實都係鐘意我地最自然的一面姐, sis們, 你識做啦~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Facebook | www.facebook.com/wandysharing
Instagram | wandykwong

與最愛在一起, 就是最好的禮物

所有拍拖的情侶, 都會為到紀念日而煩惱架...
買d咩 整d咩 送d咩 食d咩 做d咩........
又要問下朋友有咩介紹...又要諗下男/女朋友最近有無話想要d咩?...
其實真係好煩呢...但唔想hea過...點算呀?!?!?!?!

今年2.24係雲迪同情人8週年, 但因為係閒日, 所以只可以食餐晚飯咋...
又唔想食太貴, 又唔想食太hea, 結果都係openrice揀, 揀左一間cafe試下 --- HighFive Cafe.



2人set::
甘荀湯 + salad,
前菜 | 木魚芝士薯皮 (好食架~),
主菜 | 羊架 (都好好味, 5成熟岩岩好~), 西班牙白豬意粉 (一般啦~)
甜品 | 香蕉朱古力蛋糕 (麻麻地, 有點失望...)
Price | $498 (未計加1)

交換禮物時間啦~~~
雲迪每年都會整 DIY相簿, 今年都唔例外架, 男仔都鐘意收到由我地親手寫親手整的禮物架, 最有心意又special~ 而我就收到好靚的花花, 我唔鐘意收花, 因唔想拎住佢咁重又唔捨得佢好快謝, 呢種花就very good la~

其實唔需要買貴野, 花少少心思做相簿又好, 搵間好的餐廳都好, 只要同情人喺埋一齊, 食乜做乜送d乜都係其次, 可以見到情人, 一齊傾下計, 已經好開心, 因為我地鐘意的唔係食物唔係禮物, 係同你拍拖咁多年的那個人嘛~~

珍惜同情人在一起的時間啊~~~



~~~~~~~~~~~~~~~~~~~~~~~~~~~~~~~~~~~~~~~~~~~~~

Facebook | www.facebook.com/wandykwong
Instagram | wandykwong

"打份工姐"工作態度

我係一個跳舞老師, 教ballet和jazz為主, 喺幼稚園 小學 不同跳舞學校教, 仲會租場自己開班教kpop jazz~

剛過去的星期5, 我帶隊去比賽, 一共50個低年班小朋友, 有大半班無比賽經驗~ 那天早上9點就入到馬灣集合, 派衫 換衫 brief家長義工 安頓50人換衫食飯 幫50人化妝, 臨出發再綵排幾次...總之一個"忙"字, 再加三個字 "人都癲"...去到大會堂, 跟大會人員走黎走去之後就上台比賽了, 出左好多次隊, 今次真係最緊張, 企後台睇住, 一直都放鬆唔倒, 到跳到差唔多完時, 我差d就喊左出黎 >.<...我咁緊張, 唔係因為我對自己編的舞無信心, 而係呢班小朋友都未係10拿9穩, 50人中有1個唔好我都唔想...結果都跳得唔錯, 拎到"優等獎"~~ (可能有人未必知, 優等獎係最高的, 高過甲級獎架!~)

好想多謝一班有份幫手的人, 負責舞蹈組的主任和老師, 另外兩位跳舞老師, 家長義工, 幫我做音樂的2哥, 做道具的老師, 當然仲有呢50個好學生, 無你地的協助同參與, 就唔會有呢個獎~多謝晒~~~

當日比賽, 我有機會睇埋其他大部分學校的舞, 因為我校係第6隊, 當日一共有37隊參賽隊伍~
我以跳舞老師的身份去睇呢個比賽, 而唔係參賽者身份, 去睇其他學校好唔好, 正因為咁, 我先有好大的感受~

我見到, 小朋友跳完唔識返入後台...點解老師唔教佢地搞到佢地比人笑??
打份工姐~~~~~~

我見到, 小朋友個妝化完好似無化咁, 仲淡過我出街個妝...究竟係你唔識化舞台妝定hea化ar?
打份工姐~~~~~~

我見到, 小朋友到比賽當日都仲唔記得steps 仲會走錯位 仲未把握點用佢手上d crops...點架? hea排? hea 練? hea班學生? hea間學校?

我見到好多我接受唔倒的事, 你話我過份認真? 喂, 咁唔認真就咪做啦~~
我明白, 有d學校會同個跳舞老師講, "志在參與啦, 唔洗太大壓力~"...無錯, 你會話太大壓力, 排果個又辛苦, 跳果個又辛苦, 但都唔洗hea丫, at least練岩晒動作 學生識笑 識落台丫, 唔好比機會台下觀眾笑你d學生, 家長和觀眾們會覺得佢地好得意, 蝦蝦碌碌咁, 但我身為教果個老師黎講, 我只見到老師唔盡職, 搞到個學生同間學校畫上一個"醜"字~~呢個係低年班的比賽組別, 即係1 2 3年班, 你覺得d 1年班企喺台上咁多對眼望住會唔驚?有咩複碌會識得應對?跳完識得走?識走去左定右?....

唔同的小朋友有唔同的教法, 我班50個都唔係50個都醒目或正常, 一定都會有豬仔, 但豬仔都有豬5仔的教法, 錯左話多幾次, 提多幾次, 重覆做多幾次, 點都會做到, 你唔花時間花心機教, 佢唔得就由佢唔得, 對得住個學生嗎? 對得住你自己嗎?

你可能會話:"打份工姐~~"...如果人人都用呢個態度去工作, 個社會個世界會變成點? 你自己又會變成點??

警察維持秩序但俾人嘔打, 仲俾人話用太大武力...
打份工姐~~~~~~

建築公司起樓時偷工減料, 唔死人冧樓咪得囉...
打份工姐~~~~~~

政要人士收錢開會, 你有你拉布掟野, 我有我睇成人野, 浪費時間兼阻礙社會發展...
打份工姐~~~~~~

搞創作的又話打份工姐, 咁邊有創意可言, 教育介的又話打份工姐, 咁邊個有成功的學生? 就連拍拖都當係打份工姐, 諗去邊度食 買咩比情人生日 去邊慶祝 每日都要講掛住你 每日都要報告行縱........機械人就是這樣練成的...你對你做緊的事有感情嗎?上心嗎?對你黎講重要嗎?

生活...係為左咩呢?

~~~~~~~~~~~~~~~~~~~~~~~~~~~~~~~~~~~~~~~~~~~~~

Facebook | www.facebook.com/wandykwong
Instagram | wandykwong

情人節試新野~第一次整朱古力脆脆米~《情約花季》浪漫遊愉景灣~

雖然情人節已經過左幾日, 但雲迪依然好想同所有好女友們分享一下~~

話說每年情人節前夕, 都好多女仔會去d烘焙店買料開工整朱古力, 而家d烘焙店都好好, 有晒食譜又分好晒份量pack成一包包, 跟足食譜方法做就成功, 又方便又唔怕買漏材料~~

雲迪每年都會約好bff, 一齊諗下整咩好, 喺bff屋企一齊嘻嘻哈哈, 雞手鴨腳咁一齊整朱古力, 其實都係一個好好的moment同閨蜜相聚吧~~雲迪整過好多唔同的朱古力, 軟心 酒心 焦糖朱古力波波蛋糕.....等等, 通常都係好睇唔好食, 心意嘛, 幾難食男朋友都會鐘意, 欣賞我地為佢地花心思的~~

今年雲迪又試新野, 整朱古力脆脆米~~~

登登登登~~~~係咪好靚呢~~~~
等我簡單教下大家點整啦~~

材料 | 棉花糖, 牛油, 脆脆米通, 不同味道的朱古力

首先, 將牛油和棉花糖放在一個可放入微波爐的器皿上, 之後放入微波爐加熱將佢變溶, 成為棉花糖漿, 最好10秒10秘咁叮, 每次叮完拎出黎攪拌一下, 會溶成一團, 米色硬身的~

之後, 將脆脆米通倒在棉花糖漿上, 然後均勻攪拌, 將所有米通痴埋一齊~~

  

然後就可以用手將佢整成一個個圓形波波和心形, 再塗上朱古力漿, 等佢乾左就大功告成lu!!~~

  

  

但建議大家盡快送俾人食, 因為米通會好快疏氣, 會變韌架 >.<...

今年2.14雲迪同情人去左愉景灣, 因為雲迪本身好鐘意花, 而愉景灣今年主題係《情約花季》, 岩晒好鐘意花嘅我啦, 大會在指定時間派發400個心型鎖, 可以寫上你的愛意, 並鎖在大型心心上, 都幾浪漫啦!!~

   

 

再與情人交換禮物 (**yeah 又係雲迪最愛的Ariel呀~~)

這就是我今年的情人節, 開心, 滿足~咁你呢?~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Facebook: www.facebook.com/wandykwong

Instagram: wandykwong

用咩牌子的精華好呢?? 比較兩大皇牌精華 YSL vs Estee Lauder

有做開skincare的你, 一定知道精華係幾咁重要。

成日聽d sales講, 所有skincare的用品, 例如toner, lotion, cream, mask, eye-cream.....有幾勁都好, 無好的精華打底, 以上的skincare你揸幾多都無用 (講到好權威架, 但劉定堅, 我都唔敢肯定)。

但雲迪都會堅持用, 特別係晚間護理同妝前, 用左精華係好唔同架!!~

好耐以前, 雲迪岩岩開始學人做skincare, 用NARS品牌的產品, 效果係超級顯著, 因為之前係咩都無用嘛, 實好架啦!! 唔知咩原因, 無用落去lu, 唔好誤會呀, 唔係NARS唔好呀, 應該係......我無錢姐...haha...

入正題啦~~~~~~入正題啦~~~~~~

今日雲迪會比較呢兩個品牌的精華 - YSL vs Estee Lauder

左 - YSL Forever Youth Liberator Serum 年輕妍活精華素

官方產品簡介

精華素蘊含高濃度的GlycanactifTM，含量是整個護膚系列內最高的。配方全方位激活肌膚，深層再生，塑造年輕嫩肌。

容量 - 30ml HK$670 

產品特性 - 修護・活膚  |  抗衰老・抗氧化

右 - Advanced Night Repair 升級再生基因修護露

官方產品簡介

讓肌膚仿如睡足8小時般水潤、細滑、充滿光澤及年輕。經測驗證實明顯有效改善肌膚老化問題。擁有獨家ChronoluxCB™ 基因排毒淨化協調技術。適合所有膚質使用。

容量 - 50ml HK$880 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

雲迪用左YSL呢支serum大約有3 - 4個月, 開始覺得無咩特別, 踏入冬天天氣咁乾, 就覺得佢唔夠保濕, 所以買左Estee Lauder呢支Advanced Night Repair試下。

質地方面, YSL的比較固體D, 硬身D, 滴上手唔會流走, 而Estee Lauder就水D, 濕D, 稀D, 滴上手好快會流。

味度方面, 我個人比較鐘意YSL的味道, 因為Estee Lauder果支個味..好點怪怪的...

推開之後, YSL的比較笠, 感覺較滋潤, 而Estee Lauder就比較水質,較容易推開, 較保濕。

雲迪本身面部皮膚偏乾, 所以一直追求好的保濕產品, 用左YSL精華, 明顯皮膚好左, 有彈性, 上妝都幾貼, 素顏都可以見得下人, 但比較笠, 我都係怕笠的, 鐘意水D, 所以今次, 等我試下Estee Lauder Advanced Night Repair精華, 係咪真係好保濕啦~